Þankagangar um tölvur og tækni

13.1.2007 | 17:35

Bill Gates og Consumer Electronics Show

Nú um síðustu helgi hélt Bill Gates kynningu á hinni árlegu Consumer Electronic Show (CES) sýningu sem haldin er í Las Vegas. Þar kynnti hann marga sniðuga hluti eins og netþjóna fyrir heimilið, netsjónvarp (IPTV) í gegnum XBOX 360 og auðvitað Windows Vista og Office 2007 sem koma út í lok mánaðarins. Fyrir þá sem hafa áhuga þá er hægt að horfa á kynningu á sérstakri vefsíðu sem Microsoft setti upp í tilefni CES.

Þetta er í 10 sinn sem Bill heldur opnunarkynningu ráðstefnunnar. Hann staðfesti það í upphafi kynningarinnar að hann mun endurtaka leikinn á næsta ári. En það verður hans síðasta opnunarkynning CES, nema eins og hann orðaði það "stjórnendur CES vilji að ræðan snúist um smitsjúkdóma". Þarna er hann auðvitað að vitna í það að árið 2008 mun Bill hætta störfum hjá Microsoft og einblína á góðgerðastofnunina sína.

Tölvur og tækni | Slóð | Facebook | Athugasemdir (0)

Um bloggið

Þankagangar um tölvur og tækni

Hér verður fjallað um ýmsa hluti sem tengjast tölvum og tækni

Höfundur

Gisli Olafsson

Gísli hefur unnið í tölvugeiranum í 25 ár fyrir ýmis fyrirtæki hérlendis og erlendis. Núna vinnur Gísli hjá alþjóðadeild Microsoft við að aðstoða alþjóðastofnanir á borð við Sameinuðu Þjóðirnar, Rauða Krossinn, og Alþjóðabankann við að nýta tölvutækni betur í viðbrögðum við náttúruhamförum. Í sínum frítíma er Gísli meðlimur í Björgunarsveit Hafnarfjarðar, stjórnandi Íslensku Alþjóðabjörgunarsveitarinnar og fulltrúi Íslands í sérfræðingateymi SÞ sem samhæfir viðbrögð alþjóðasamfélagsins við stórum hamförum.